Xalıq deputatları Bozataw rayonlıq Keńesi deputatı G.Yusupova tárepinen rayon aymaǵındaǵı mektepke shekemgi tálim shólkemlerinde alıp barılǵan úyreniwler dawamında, 2-sanlı mektepke shekemgi tálim shólkeminde úyreniwler alıp bardı.
Úyreniw barısında elektr energiyası úzilgen waqıtlarda balalardı issiq awqat penen támiyinlewde qıyınshılıqlar júzege kelip atırǵanlıǵı kórindi. Sol sebepli, bunday jaǵdaylarda gazden yamasa gaz ballonlarınan paydalanıw ushın tiyisli ruxsatnamalar beriw, qáwipsizlik talaplarına muwapıq jaǵdaylar jaratıw hám baqshalardı alternativ energiya derekleri menen támiyinlew máselesin kórip shıǵıw zárúr bolmaqta.
Joqardaǵılardı esapqa alıp "Bozataw rayonı gaz támiynatı" bólimi baslıǵı N.Ongarbaevqa deputat soraw jiberildi.