Xalq demokratik partiyasining deputatlik guruhi rahbari Mansurxon Xayrulloyev ishchi guruh aʼzolari bilan birgalikda tumandagi 16- va 18-sonli davlat maktabgacha taʼlim tashkilotlarida oʻrganish olib bordi.

🔍Oʻrganish jarayonida muassasalar bino va inshootlarining texnik holati, yongʻin va xavfsizlik talablariga muvofiqligi, bolalarning sifatli taʼlim olishi hamda oziq-ovqat mahsulotlari bilan taʼminlanishi, amaliy koʻnikmalarini shakllantirish uchun yaratilgan imkoniyatlar batafsil koʻzdan kechirildi.

❓Xususan, guruh xonalari, oshxona, tibbiyot xonasi, sanitariya-gigiyena holati hamda bolalarning ovqatlanish sifati oʻrganilib, muassasada yaratilgan qulayliklarga alohida eʼtibor qaratildi. Shuningdek, tarbiyachilar tomonidan bolalarga berilayotgan taʼlim-tarbiya jarayonlari, ularning boʻsh vaqtini mazmunli tashkil etish borasidagi ishlar bilan yaqindan tanishildi.