ИЖТИМОИЙ ХОДИМ ФАОЛИЯТИ ЎРГАНИЛДИ
Халқ депутатлари Янгиқўрғон тумани Кенгаши депутати Боймирзаев Улуғбек Муҳаммадович томонидан сайлов округида жойлашган Янгиобод маҳалласида ўрганиш ишлари олиб борилди.
Ўрганиш давомида маҳаллада фаолият юритаётган ижтимоий ходимнинг аҳолини ижтимоий қўллаб-қувватлаш, эҳтиёжманд оилалар билан ишлаш, ижтимоий хизматларга муҳтож фуқароларни аниқлаш ва уларга амалий ёрдам кўрсатиш борасидаги фаолияти таҳлил қилинди.
Шунингдек, “Ижтимоий ҳимоя ягона реестри”га киритилган фуқаролар ҳолати, ногиронлиги бўлган шахслар, кексалар ҳамда кам таъминланган оилаларга кўрсатилаётган хизматлар сифати юзасидан фикр алмашилди.
Ўрганиш жараёнида аҳоли томонидан билдирилган мурожаатлар эшитилиб, мавжуд муаммоларни ҳал этиш бўйича тегишли таклиф ва тавсиялар берилди. Депутат томонидан ижтимоий ҳимояга муҳтож аҳоли қатламини ҳар томонлама қўллаб-қувватлаш ҳамда манзилли ёрдам кўрсатиш ишларини янада кучайтириш зарурлиги таъкидланди.