Mahalliy Kengashlar doimiy komissiyalari kesimidagi eng muhim qonunlar

Korrupsiyaga qarshi kurashish va xavfsizlik masalalari bo‘yicha doimiy komissiya faoliyatida ochiqlik, shaffoflik, qonun ustuvorligi hamda davlat organlari faoliyatida halollik tamoyillarini ta’minlashga qaratilgan qonun hujjatlarini chuqur o‘rganish muhim ahamiyat kasb etadi.

Mazkur qonunlar korrupsiyaning oldini olish, manfaatlar to‘qnashuvini bartaraf etish, davlat va jamiyat boshqaruvida hisobdorlikni kuchaytirish hamda fuqarolarning davlat organlariga bo‘lgan ishonchini mustahkamlashga xizmat qiladi.

Korrupsiyaga qarshi kurashish sohasi bo‘yicha o‘rganilishi lozim bo‘lgan muhim qonunlar:

“Korrupsiyaga qarshi kurashish to‘g‘risida”gi O‘zbekiston Respublikasining Qonuni

📆 №O‘RQ-419 | Qabul qilingan sana: 03.01.2017

Mazkur qonun korrupsiyaga qarshi kurashishning asosiy prinsiplari, yo‘nalishlari va mexanizmlarini belgilab, korrupsion holatlarning oldini olish, aniqlash va ularga chek qo‘yishning huquqiy asoslarini yaratadi.

“Manfaatlar to‘qnashuvi to‘g‘risida”gi O‘zbekiston Respublikasining Qonuni

📆 №O‘RQ-931 | Qabul qilingan sana: 05.06.2024

Ushbu qonun davlat organlari va tashkilotlarida manfaatlar to‘qnashuvining oldini olish, aniqlash va tartibga solish, xizmat vazifalarini xolis hamda adolatli bajarishni ta’minlashga qaratilgan.

Mazkur qonun hujjatlarini puxta o‘rganish mahalliy Kengash deputatlariga korrupsiyaga qarshi kurashish tizimini takomillashtirish, deputatlik nazoratini kuchaytirish, davlat organlari faoliyatida ochiqlik va shaffoflikni ta’minlash hamda jamiyatda korrupsiyaga nisbatan murosasiz munosabatni shakllantirish borasidagi faoliyatida muhim huquqiy asos bo‘lib xizmat qiladi.