Xalq deputatlari Mirzo Ulug‘bek tumani Kengashi deputati Ravshan Umarov “Mirzakalon Ismoiliy” mahallasida tadbirkorlikni rivojlantirish, aholi bandligini ta’minlash va kambag‘allikni qisqartirish bo‘yicha amalga oshirilayotgan ishlar bilan yaqindan tanishdi.

Tanishuv jarayonida deputat hokim yordamchisining mahalladagi ishsiz aholini ish bilan ta’minlash, ularga doimiy daromad manbaini yaratishga ko‘maklashish uchun ustuvor ravishda mahalladagi muvaffaqiyatga erishgan tadbirkorlik subyektlari bilan hamkorlikda faoliyatini olib borayotgani yuzasidan amalga oshirayotgan chora-tadbirlarini ko‘rib chiqdi.

Shuningdek, aholini, birinchi navbatda ishsiz yoshlar va ayollarni kasb-hunar va tadbirkorlikka o‘qitish hamda ularning bandligini ta’minlash ishlarini tashkil qilinayotgani bo‘yicha hisobotini eshitdi.

O‘rganishlar jarayonida R.Umarov hokim yordamchisiga aholiga amalga oshirilayotgan davlat siyosati va islohotlarning mazmun-mohiyatini tushuntirish hamda aniqlangan muammolarni joyida hal qilish choralarini ko‘rish bo‘yicha o‘z tavsiyalarini berdi.