Búgin Qaraózek awıl puqaralar jıyınında Ózbekstan Respublikası Oliy Majlisi Nızamshılıq palatası deputatı Baxıtbay Aldamuratov hám Xalıq deputatları Qaraózek rayonlıq Keńesi deputatları Amanbay Reymov, Sultanbay Mırzaevlardıń saylawshılar menen ushırasıwı ótkerildi. 

Ushırasıwda Xalıq deputatları rayonlıq Keńesi sekretariatı, máhálle wákilleri hám aymaqtaǵı kóshe, awıl biyleri, puqaralar qatnastı. 

Tómengi palata deputatı hám jergilikli Keńeske aymaqtan saylanǵan deputatlar tárepinen saylawshılarǵa mámleketimizde jańadan qabıl etilgen nızam hám qararlar, mámleketlik baǵdarlamalar áhmiyeti, elimizde ámelge asırılıp atırılǵan reformalar barısı, sonday-aq, Nızamshılıq palata hámde Ekologiya hám átirap-aymaqtı qorǵaw máseleleri komiteti iskerligi, jergilikli Keńeste áhmiyetli baǵdarlar, esabatlar menen tanıstırıp, palat májilisleri, Keńes Keńes sessiyalarında kórip shıǵılǵan máseleler haqqında maǵlıwmat berildi. Sonday-aq, deputatlar tárepinen Ózbekstan Respublikası Prezidentiniń 2026-jıl 5-fevral kúngi “2026-jılda aymaqlardı jańasha jantasıwlar tiykarında rawajlandırıw arqalı xalıqtıń dáramatın asırıw, turaqlı jumıs orınların jaratıw hámde kámbaǵallıqtı qısqartıw ilajları haqqında”ǵı PQ-49-sanlı qararı tiykarında Qaraózek APJda ámelge asırılatuǵın jumıslar, basqada mámleketlik baǵdarlamalarda belgilengen áhmiyetli baǵdarlar haqqında keńnen tanıstırıldı. Qatnasıwshılardıń bul baǵdardaǵı pikir, usınısları tıńlanılıp, qızıqtırǵan sorawlarına juwaplar berildi.

Deputatlardıń saylawshılar arasında qabıllawı da shólkemlestirilip, qatnasıwshılardan kelip túsken múrájat hám mashqalalar qadaǵalawǵa alındı hám máhálle wákilleri menen birge aldaǵı wazıypalar belgilep alındı.