Xalq deputatlari Qo‘qon shahar Kengashining 20-“To‘laboy” saylov okrugidan saylangan deputati O‘.Maxmudov tomonidan “To‘laboy” mahalla fuqarolar yig‘inida mahalla mas’uli X.Jo‘rayevning faoliyati yuzasidan o‘rganish ishlari olib borildi.

O‘rganish davomida mahallada aholi bilan ishlash, fuqarolarning murojaatlarini o‘rganish, mavjud muammolarni aniqlash hamda ularni hal etish bo‘yicha amalga oshirilayotgan ishlar holatiga e’tibor qaratildi. Shuningdek, mahalla hududida olib borilayotgan ishlarni muvofiqlashtirish, fuqarolar bilan muloqotni yo‘lga qo‘yish va aholining kundalik hayotida uchrayotgan masalalarga o‘z vaqtida munosabat bildirish jarayonlari yuzasidan ma’lumotlar o‘rganildi.

Mahalla fuqarolar yig‘ini faoliyatida aholi manfaatlarini ta’minlash, fuqarolarning taklif va murojaatlarini tinglash, ijtimoiy ko‘makka muhtoj oilalarni aniqlash hamda ularning muammolarini tegishli tashkilotlar bilan hamkorlikda hal etish muhim ahamiyatga ega. Shu nuqtayi nazardan, mahalladagi ishlarni tizimli tashkil etish va mas’ul xodimlar faoliyatini muntazam tahlil qilib borish masalalariga alohida e’tibor qaratildi.

️Shuningdek, fuqarolar bilan ochiq muloqotni kuchaytirish, aholi murojaatlariga befarq bo‘lmaslik, mahallada aniqlanayotgan muammolarni o‘z vaqtida tegishli tashkilotlarga yetkazish va ularning yechimi bo‘yicha hamkorlikni mustahkamlash zarurligi qayd etildi.

Xalq deputatlari Qo‘qon shahar Kengashi