SAYLOVCHILAR MUROJAATI ASOSIDA DEPUTAT SO‘ROVI YUBORILDI
Xalq deputatlari Parkent tuman Kengashiga 7-«Xisorak» saylov okrugidan saylangan deputat, doimiy komissiya raisi Salimboyev Xasan Dilmurodovich saylovchilar bilan o‘tkazilgan uchrashuvlar davomida fuqarolar tomonidan ko‘tarilgan muammolarni o‘rganish va ularning yechimiga ko‘maklashish yuzasidan tegishli choralar ko‘rmoqda.
🟢 Jumladan, deputatning «Teman» MFY aholisi bilan uchrashuvi davomida mahallaning «Bayot», «Shaxak» va «Sarxouz» ko‘chalarida joylashgan eskirgan, chirishi oqibatida xavfli holatga kelib qolgan elektr simyog‘ochlarini yangilariga almashtirish masalasi ko‘tarildi.
⚠️ Mazkur masala elektr ta’minoti infratuzilmasining xavfsizligini ta’minlash, aholi hayoti va mol-mulkiga tahdid solishi mumkin bo‘lgan holatlarning oldini olish nuqtayi nazaridan muhim ahamiyatga ega.
⚠️📄 Saylovchilar murojaati asosida deputat tomonidan Parkent tuman elektr tarmoqlari korxonasi boshlig‘i M.Mirxamidov nomiga 58-ds-485-26-sonli deputatlik so‘rovi yuborildi. So‘rovda eskirgan elektr simyog‘ochlarini almashtirish bo‘yicha amalga oshirilgan ishlar, rejalashtirilgan chora-tadbirlar hamda ushbu ishlarning bajarilish muddatlari yuzasidan asoslantirilgan yozma ma’lumot taqdim etish so‘raldi.
✅ Deputatlik nazoratining asosiy maqsadi — saylovchilar murojaatlarida ko‘tarilgan masalalarga e’tibor qaratish, ularning qonuniy manfaatlarini himoya qilish va mavjud muammolarning amaliy yechim topishiga ko‘maklashishdir.