👥 FUQAROLAR BILAN OCHIQ MULOQOT O‘TKAZILDI

Xalq deputatlari Sherobod tumani Kengashining 1-Yangiturmush saylov okrugi deputati S. Eshonqulov hamda Kengash kotibiyati bosh mutaxassisi Sh. Xo‘janazarov tomonidan Xalq deputatlari Sherobod tumani Kengashining 5-Guliston–Galaguzar saylov okrugi deputati O. Umarovga biriktirilgan saylov okrugidagi “Guliston” mahallasida fuqarolar bilan uchrashuv va ochiq muloqot o‘tkazildi.

💬 Muloqot davomida fuqarolarning murojaatlari, mavjud muammolari hamda takliflari tinglandi. Aholini qiynab kelayotgan masalalar yuzasidan fikr-mulohazalar o‘rganilib, ularni qonunchilikda belgilangan tartibda hal etish bo‘yicha zarur choralarni ko‘rish masalalari muhokama qilindi.

📌 Shuningdek, murojaatlarda ko‘tarilgan masalalarni tegishli tashkilotlar bilan hamkorlikda o‘rganish, muammolarni bartaraf etish hamda fuqarolarga amaliy ko‘mak ko‘rsatish yuzasidan tegishli vazifalar belgilab olindi.

Xalq deputatlari Sherobod tumani Kengashi kotibiyati matbuot xizmati.