Davlatimiz mustaqilligining 35 yilligi munosabati bilan Chilonzor tumanida aholining ijtimoiy himoyaga muhtoj qatlamlarini qo‘llab-quvvatlash, ularning holidan xabar olish va muammolarini o‘rganishga qaratilgan amaliy ishlar davom ettirilmoqda.
Shu munosabat bilan Xalq deputatlari Chilonzor tumani Kengashi deputati Tuganbekov Oybek Baxrombekovich “Kichik Xirmontepa” mahallasida saylovchilar bilan uchrashuv o‘tkazdilar.
Tadbirning amaliy qismida xalq deputatlari Chilonzor tumani Kengashi deputati Oybek Tuganbekov, mahalla raisi va faollari bilan birgalikda mahallada istiqomat qiluvchi nogironligi bo‘lgan hamda ijtimoiy himoyaga muhtoj oilalarning xonadonlariga tashrif buyurdi.
Tashriflar davomida fuqarolarning yashash sharoiti, kundalik ehtiyojlari va mavjud muammolari o‘rganildi.
Deputat Oybek Tuganbekovning saylovchilar bilan bevosita muloqotga kirishib, ularning muammolarini joyiga chiqqan holda o‘rganishi deputatlik faoliyatining muhim yo‘nalishlaridan biridir.
Bunday ezgu tashabbuslar, ayniqsa, bayram arafasida e’tibor va ko‘makka muhtoj oilalarni qo‘llab-quvvatlash, ularga dalda bo‘lish hamda mahallalarda mehr-oqibat va hamjihatlik muhitini yanada mustahkamlashga xizmat qiladi.