Toyloq tumanida aholi yashash sharoitlarini yaxshilash va hududlar infratuzilmasini rivojlantirish bo‘yicha belgilangan dasturlar izchil amalga oshirilmoqda.

Xalq deputatlari Toyloq tumani Kengashi deputati B. Xamrayev tashabbusi bilan "Yangi Oʻzbekiston" qiyofasidagi mahalla sifatida tanlangan Bogʻizogʻon mahallasida keng ko‘lamli bunyodkorlik ishlari boshlandi. Ayni paytda mahalla ichki ko‘chalarini asfaltlash va tekislash ishlari "505" MChJ yo‘lsozlari tomonidan olib borilmoqda.

Shuningdek, loyiha doirasida jamoatchilik nazorati yo‘lga qo‘yilib, yo‘l chetidagi noqonuniy qurilmalarni bartaraf etish, ko‘cha chetlarini tartibga keltirish hamda aholi o‘rtasida obodonlashtirish bo‘yicha targ‘ibot ishlari olib borilmoqda.

Ko‘zlangan maqsad — mahalla infratuzilmasini yaxshilab, aholi farovonligini oshirish.