Namangan shahar 15-sonli umumiy o‘rta ta'lim maktabining yangi o‘quv yiliga tayyorgarlik holati o‘rganildi

O‘zbekiston Respublikasi Prezidentining ta'lim tizimini rivojlantirish, umumiy o‘rta ta'lim muassasalarining moddiy-texnik bazasini mustahkamlash hamda 2026–2027-o‘quv yiliga puxta tayyorgarlik ko‘rish bo‘yicha belgilangan vazifalar ijrosi doirasida Xalq deputatlari Namangan shahar Kengashi raisi R.Isaqov tomonidan Namangan shahar 15-sonli umumiy o‘rta ta'lim maktabi faoliyati joyiga chiqqan holda o‘rganildi.

O‘rganish davomida ta'lim muassasasining yangi o‘quv yiliga tayyorgarlik darajasi, maktab binolarining tashqi fasad qismi, hududni obodonlashtirish ishlari, sinf xonalarining holati, o‘quvchilar uchun yaratilgan shart-sharoitlar hamda moddiy-texnik ta'minoti atroflicha ko‘zdan kechirildi.

Shuningdek, maktabning kuz-qish mavsumiga tayyorgarligi, isitish tizimlarining sozligi, muhandislik-kommunikatsiya tarmoqlari, sanitariya-gigiyena holati va obodonlashtirish ishlari yuzasidan mas'ullar bilan muhokamalar o‘tkazildi.

O‘rganish yakunida aniqlangan kamchiliklarni qisqa muddatlarda bartaraf etish, ta'lim muassasasini yangi o‘quv yili hamda kuz-qish mavsumiga to‘liq tayyor holga keltirish, o‘quvchilar uchun xavfsiz, qulay va zamonaviy ta'lim muhitini yaratish yuzasidan mas'ullarga tegishli topshiriq va tavsiyalar berildi.

Ta'lim muassasalarining yangi o‘quv yiliga tayyorgarlik holatini o‘rganish hamda belgilangan vazifalar ijrosini ta'minlashga qaratilgan nazorat tadbirlari izchil davom ettirilmoqda.