II параллел тадбир | 2-сессиясидан

✅ Екатерина Смесова, Олий Мажлис Қонунчилик палатаси депутати:

🗄 Хотин-қизларнинг ижтимоий ва сиёсий иштироки демократик тараққиёт, инсон капиталидан самарали фойдаланиш ва қарорлар сифатини оширишнинг муҳим кўрсаткичидир.

🗄 Ўзбекистонда Қонунчилик палатаси ва маҳаллий кенгашлар депутатлигига номзодлар кўрсатишда хотин-қизлар улуши камида 40 фоиз бўлиши белгиланган. Бироқ вакилликнинг ўзи етарли эмас — аёлларнинг қарорларга реал таъсирини таъминлаш муҳим.

🗄 Иқтисодий мустақиллик, сифатли таълим ва тадбиркорлик имкониятлари хотин-қизларнинг жамоат ҳаётидаги иштироки ва лидерлик салоҳиятини кенгайтиради.

🗄 Маҳалла ва фуқаролик жамияти институтлари хотин-қизлар ташаббуслари шаклланадиган энг яқин майдон ҳисобланади. Сиёсатда аёлни фақат ижтимоий ҳимоя объекти эмас, балки тараққиёт ва қарор қабул қилишнинг фаол субъекти сифатида кўриш зарур.