“Yangi O‘zbekiston qiyofasi” g‘oyasi asosida mahallalarda obodonlik va farovonlikni ta’minlash, aholi uchun munosib turmush sharoitlarini yaratish, oilalar daromadini oshirish hamda kambag‘allikni qisqartirish borasidagi amaliy ishlar deputatlik nazorati asosida izchil davom ettirilmoqda.

Shu maqsadda, Xalq deputatlari Termiz shahar Kengashi raisi, deputat D.Normuradova, Kengash kotibiyati mudiri, deputat A.Ashurov, Kengashning 2-“Yulduz” saylov okrugi deputati I.Shatova hamda kotibiyat bosh mutaxassisi R.Mamashukurovlar “Yulduz” mahallasida bo‘lib, hududdagi ijtimoiy-iqtisodiy holatni muhokama qildilar.

Mahalla faollari ishtirokida o‘tkazilgan muloqotda hududdagi aholi bandligini ta’minlash, ishsiz fuqarolarni kasb-hunarga yo‘naltirish, oilalar daromadini oshirish, tadbirkorlikni rivojlantirish va kambag‘allikni qisqartirish masalalari atroflicha tahlil qilindi.

Shuningdek, xonadonbay ishlash tizimi, mavjud imkoniyatlardan samarali foydalanish, aholining muammolarini aniqlash va ularni bartaraf etish bo‘yicha amalga oshirilayotgan ishlar yuzasidan mas’ullarning axborotlari tinglandi.

Tahlil davomida aniqlangan masalalar bo‘yicha tegishli mas’ullarga aniq vazifalar belgilanib, ularning ijrosini ta’minlash hamda muammolarni amaliy hal etish yuzasidan taklif va tavsiyalar bildirildi.