Xalq deputatlari Termiz tuman Kengashi kotibiyat mudiri A.Avliyakulov, bosh mutaxassis K.Abdullayeva bilan birgalikda deputat G.Shafoatova saylangan hududdagi “Yangihayot” mahallasida joylashgan “YOʻLOVCHI” MChJ tomonidan tashkil etilgan issiqxona faoliyati o‘rganildi.

Mazkur hududda issiqxona qurilishi va yetishtirish ishlari izchil davom etmoqda. Umumiy maydoni 30 sotix bo‘lgan issiqxonada pomidor yetishtirilmoqda. Ayni paytda ekinlar yaxshi parvarish qilinib, hosil pishib yetilish bosqichiga kirib bormoqda.

Ushbu loyiha hududda qishloq xo‘jaligini rivojlantirish, aholini sifatli mahsulot bilan ta’minlash hamda yangi ish o‘rinlari yaratishda muhim ahamiyat kasb etmoqda.