#deputat_soʻrovi_javobi #deputatlik_faoliyati #jamoatchilik_munosabati

2026-yil 28-mart sanasida Andijon Suv Ta'minoti AJ Andijon shahar filialiga yuborilgan deputat so'roviga mas'ullar ishtirokida o'rganish uchun qo'shimcha vaqt talab etilganligi sababli 15.04.2026-yil tegishli mutasaddilar tomonidan javob xati taqdim etildi.

Ushbu so'rov mazmunida Andijon shahar Al-Buxoriy MFYda N.To'xtasinov ko'chasida oqava hamda ichimlik suvi tarmog'i ma'nan eskirgani va uni yangisiga almashtirish choralarini ko'rish haqida yuborilgan edi.

Andijon Suv Ta'minoti AJ Andijon shahar filiali tomonidan ushbu so'rov joyiga chiqqan holda mutaxassislar ishtirokida o'rganildi.

O'rganishlar davomida ushbu N.To'xtasinov ko'chasidagi oqava hamda ichimlik suvi tarmoqlari haqiqatda eskirgani va ushbu yangilanishlar bo'yicha davlat dasturlariga kirish uchun ro'yxatga olingani ma'lum qilindi.