Xalq deputatlari Zarbdor tuman Kengashiga 17-Yoshlik saylov okrugidan saylangan deputat F.Xojimurotov tomonidan Yoshlik mahallasida saylovchilar bilan ochiq uchrashuv o‘tkazildi.

Unda tuman hokimining o‘rinbosari, O‘zbekiston mahallalari uyushmasi Zarbdor tuman bo‘limi rahbari hamda tegishli tashkilotlar mutaxassislari ishtirok etib, hududda mavjud muammolar va dolzarb masalalar yuzasidan fikr almashildi.

Uchrashuv davomida fuqarolar tomonidan bildirilgan murojaat va takliflar atroflicha muhokama qilinib, ularni ijobiy hal etish yuzasidan mas’ullarga tegishli vazifalar yuklatildi.

Mazkur ochiq muloqot aholi bilan samarali aloqalarni mustahkamlash, mavjud muammolarni bevosita joyida o‘rganish va tezkor choralar ko‘rishda muhim omil bo‘lib xizmat qilmoqda.