💊 Imtiyozli dori vositalari ta’minoti deputatlar nazoratida❗️

Nurafshon shahar Kengashi deputatlari K.Umarboyev va A.Churatayevalar tomonidan aholining ehtiyojmand qatlamiga davlat tomonidan #bepul beriladigan dori vositalari bilan ta’minlanish holati joyiga chiqqan holda o‘rganildi.

Monitoring davomida asosiy e’tibor quyidagilarga qaratildi:

🔹 Tibbiyot muassasalarida surunkali kasalligi bor bemorlar (diabet, arterial gipertoniya va b.) uchun mo‘ljallangan dori zaxiralarining yetarliligi;

🔹 Imtiyozli dorilarning retsept asosida manzilli va o‘z vaqtida bemorlarga yetkazib berilishi;

🔹 Fuqarolarning dori ta’minoti sifatidan mamnunligi va duch kelayotgan muammolari.

O‘rganish yakunida dori vositalari taqchilligining oldini olish va dorixonalardagi elektron tizim faoliyatini yanada takomillashtirish bo‘yicha mas’ul tibbiyot birlashmasi rahbarlariga tegishli tavsiyalar berildi.