Deputat fuqarolar bilan uchrashib, umumxalq hasharida faol ishtirok etdi

Xalq deputatlari Navoiy shahar Kengashi deputati Xudayqulova Nargiza Gaybullaevna 13-mart kuni “Humo” mahallasida fuqarolar bilan axborot uchrashuvini o‘tkazdi. Uchrashuv davomida mahalla aholisiga amalga oshirilayotgan islohotlar, hududni obodonlashtirish, ijtimoiy masalalarni hal etish bo‘yicha olib borilayotgan ishlar haqida batafsil ma’lumot berildi.

Muloqot jarayonida fuqarolar o‘zlarini qiziqtirgan savollar, mahalladagi muammolar hamda taklif va tashabbuslari bilan faol ishtirok etdilar. Deputat tomonidan barcha murojaatlar diqqat bilan tinglanib, ularni hal etish yuzasidan tegishli choralar ko‘rilishi, masalalar mutasaddi tashkilotlar bilan hamkorlikda ko‘rib chiqilishi ta’kidlandi.

Uchrashuv ochiq va samimiy ruhda o‘tdi. Fuqarolar deputat bilan bevosita muloqot qilish imkoniyatiga ega bo‘lib, mahalla hayotini yanada yaxshilash bo‘yicha o‘z fikr-mulohazalarini bildirdilar.

Tadbir yakunida o‘tkazilgan umumxalq hashari doirasida deputat mahalla fuqarolari bilan birgalikda faol ishtirok etdi. Hashar jarayonida hududni tozalash, atrof-muhitni obodonlashtirish va mahalla ko‘rinishini yanada chiroyli qilishga qaratilgan ishlar amalga oshirildi.Mazkur tadbir fuqarolar bilan muloqotni mustahkamlash, ularning muammolarini o‘rganish hamda mahalla hayotida jamoatchilik faolligini oshirishda muhim ahamiyat kasb etdi.