Mahallada yoshlar va xotin-qizlar manfaati — e’tibor markazida! 

Xalq deputatlari Piskent tuman Kengashi deputati Z. Ibrohimova tomonidan
mahalladagi yoshlar yetakchisi hamda xotin-qizlar faolining ish samaradorligi
yuzasidan navbatdagi o‘rganish o‘tkazildi. 

O‘rganish davomida mahalladagi mavjud holat raqamlarda tahlil qilindi: 

892 ta oila mavjud; 

1 518 nafar xotin-qizlar; 

1 617 nafar yoshlar istiqomat qiladi. 

Shuningdek, 32 nafar fuqaro profilaktik ro‘yxatga olingan bo‘lib, ular
bilan yakka tartibda ishlash tizimi ko‘zdan kechirildi. 

Xotin-qizlar faoli tomonidan olib borilgan xatlov natijasida "Ayollar
daftari"ning 7-bosqichiga 91 nafar ijtimoiy himoyaga muhtoj, ehtiyojmand
ayollar ro‘yxatga olingan. Endilikda ularning bandligini ta’minlash va moddiy
ahvolini yaxshilash bo‘yicha chora-tadbirlar belgilandi. 

Yoshlar yetakchisi tomonidan yoshlar bandligini ta’minlash va bo‘sh
vaqtlarini mazmunli tashkil etish bo‘yicha amalga oshirilayotgan tadbirlar
samaradorligi muhokama qilindi.