🔹Xalq deputatlari Uchko‘prik tumani Kengashiga 11-“Qumariq” saylov okrugidan saylangan deputat Xasanboy Mamadaliyev, O‘zbekiston xalq demokratik partiyasi tuman kengashi raisi Zamiraxon Darvisheva “Qumariq” mahalla fuqarolar yig‘inida yashovchi aholi vakillari bilan ochiq muloqot o‘tkazdilar. “Mahalla yettiligi” faollari ham ishtirok etgan uchrashuvda kuz-qish mavsumiga tayyorgarlik, mahallalardagi aholining yashash sharoiti, obodonlashtirish va ko‘kalamzorlashtirish ishlari hamda aholi
bandligi masalalari o‘rganildi. 

🔹Mahalla ijtimoiy infratuzilmasini yaxshilash, yoshlar va xotin-qizlar bandligini ta’minlash, fuqarolar faolligini oshirish yo‘nalishlaridagi ishlar atroflicha muhokama qilindi. Deputat va mas’ullar hamkorlikda mavjud muammolarni joyida o‘rgandilar, ularni hal etish yuzasidan aniq vazifalar belgilandi. Deputat fuqarolar murojaatlari ijrosini nazoratga olish bilan birga muammolarning amaliy yechimini topish bo‘yicha tegishli idoralar bilan hamkorlikda ish olib borilishini ta’kidladi. Shuning bilan birga aholi turmush sharoitini yanada yaxshilash, mahalla ahlining ijtimoiy faolligini kuchaytirish va mahalla hayotida fuqarolar ishtirokini oshirish bo‘yicha takliflar bildirildi.

Xalq deputatlari Uchko‘prik tumani Kengashi kotibiyati