Xalq deputatlari Muzrabot tumani Kengashiga 17-«Do‘stlik» saylov okrugidan saylangan deputat Sidnenko Vera Viktorovna hamda tuman Kengashi kotibiyati bosh mutaxassisi B. Xoliqov hamkorligida saylov okrugida aholi bilan ochiq muloqotlarni yo‘lga qo‘yish, mahallada amalga oshirilayotgan obodonlashtirish ishlarini qo‘llab-quvvatlash va fuqarolarning bunyodkorlik jarayonlaridagi faolligini oshirishga qaratilgan amaliy tadbirlar izchil davom ettirilmoqda.

Navbatdagi o‘rganishlar davomida deputat mahalla faollari va nuroniylari bilan birgalikda «Do‘stlik» mahallasida olib borilayotgan obodonlashtirish ishlarining borishi bilan yaqindan tanishdi. Xususan, ichki yo‘llarni tartibga keltirish, beton lotoklar o‘rnatish, piyodalar yo‘laklarini barpo etish, sanitariya-tozalik hamda ko‘kalamzorlashtirish ishlari ko‘zdan kechirilib, ularning sifatli va belgilangan muddatlarda bajarilishi yuzasidan jamoatchilik nazorati amalga oshirildi.

Shuningdek, deputat va tuman Kengashi kotibiyati bosh mutaxassisi mahalladagi yoshi ulug‘ onaxonlar bilan birgalikda xonadonlarga tashrif buyurib, aholi bilan samimiy suhbatlar o‘tkazdi. Muloqotlar davomida fuqarolarni o‘z xonadonlari va ko‘cha oldi hududlarini ozoda saqlash, obodonlashtirish ishlarida faol ishtirok etish, ekologik madaniyatni yuksaltirish hamda mahalla ravnaqiga daxldorlik hissini yanada kuchaytirishga da’vat etildi.

Deputat tomonidan saylov okrugida olib borilayotgan bunday tizimli ishlar, jamoatchilik bilan yaqin hamkorlik va doimiy muloqot mavjud muammolarni o‘z vaqtida aniqlash hamda ularni bartaraf etishga xizmat qilmoqda. Bu esa saylovchilar ishonchini mustahkamlash, mahallada ahillik va hamjihatlik muhitini yanada kuchaytirish hamda hududning yanada obod va fayzli qiyofa kasb etishida muhim omil bo‘lib xizmat qilmoqda.