Xalq deputatlari Muzrabot tumani Kengashi raisi S.Nurmahmatov, tumani Kengashining mahalliy byudjet, tadbirkorlikni rivojlantirish va iqtisodiy islohotlar bo‘yicha doimiy komissiyasi raisi L.Musayev hamda tuman Kengashi kotibiyati bosh mutaxassisi Sh.Shoymardanov tomonidan deputatlik nazorati doirasida Muzrabot tumani hokimligida O‘zbekiston Respublikasining 2019-yil 25-dekabrdagi O‘RQ–598-sonli “Investitsiyalar va investitsiya faoliyati to‘g‘risida”gi Qonuni ijrosining ta’minlanish holati yuzasidan o‘rganish o‘tkazildi.

O‘rganish davomida investitsiya loyihalarining amalga oshirilishi, investorlar bilan ishlash tizimi, qonun talablarining bajarilishi hamda sohaga oid boshqa muhim masalalar maxsus savolnoma asosida tahlil qilindi. Shuningdek, qonun mazmun-mohiyati yuzasidan huquqiy targ‘ibot ishlari olib borildi.

O‘rganish yakunida aniqlangan holatlar yuzasidan tegishli tavsiyalar berilib, qonun talablarining to‘liq va samarali ijrosini ta’minlash bo‘yicha mas’ullarga zarur ko‘rsatmalar bildirildi.