Ózbekstan Respublikası Prezidenti Shavkat Mirziyoyevtiń Oliy Majlis hám Ózbekstan xalqına jollaǵan Múrájatı hámde “Ózbekstan-2030” strategiyasında belgilep berilgen tiykarǵı wazıypalardıń mazmun-mánisin keńnen úgit-násiyatlaw, sonday-aq, strategiyalıq maqsetler boyınsha deputatlar hám xalıqtıń pikir, usınısların tıńlaw maqsetinde Qaraózek rayonı jaslar orayında úgit-násiyat ilajı ótkerildi. Ilajǵa rayonlıq Keńes deputatları, máhálleler, mákeme shólkemler, ǵalaba xabar quralları wákilleri hám úlgili kóshe biyi, nuranıylar qatnastı. Ushırasıwda Xalıq deputatları Qaraózek rayonlıq Keńesi baslıǵı G.Yusupova shıǵıp sóylep Múrájatnama hám “Ózbekstan-2030” strategiyasında belgilep berilgen tiykarǵı wazıypalar haqqında toqtalıp ótti. Sonday-aq, shıǵıp sóylewshiler tárepinen strategiya hám Prezidentimizdiń múrájatnamasında belgilep berilgen wazıypalardıń rayon kóleminde orınlanıwı boyınsha ámelge asırılatuǵın jumıslar haqqında keń túrde toqtalıp ótilip, qatnasıwshılar menen pikir alısıldı.