Tadbirda Xalq deputatlari Sharof Rashidov tuman Kengashi raisi Akbarova Shoira O‘ktamovna ishtirok etib, oilalarda tinchlik va totuvlikni ta’minlash, oilaviy nizolarning oldini olish hamda muammoli oilalarni qo‘llab-quvvatlash masalalariga alohida e’tibor qaratdi.
Tadbir davomida tumandagi ajrim yoqasida turgan 15 ta oilaning oilaviy muammolari va nizolarning kelib chiqish sabablari tuman Yarashuv komissiyasi tomonidan atroflicha o‘rganildi.
Muloqotlar jarayonida oilaviy kelishmovchiliklarni bartaraf etish, o‘zaro hurmatni tiklash, er-xotin o‘rtasidagi mavjud tushunmovchiliklarga yechim topish yuzasidan tegishli tushuntirish va tavsiyalar berildi.
Amalga oshirilgan sa’y-harakatlar natijasida 5 ta oilani yarashtirishga erishildi. Eng muhimi, 7 nafar voyaga yetmagan farzandning to‘liq oilada tarbiyalanishi uchun imkoniyat yaratildi.