Sifatli tibbiy xizmat faqat shifokor malakasiga emas, balki bemor uchun yaratilgan sharoit va tibbiyot muassasasining imkoniyatlariga ham bog‘liq.

O‘rganishda Xalq deputatlari Termiz shahar Kengashi kotibiyati mudiri, 6-“Alpomish” saylov okrugi deputati A.Ashurov, Kengash deputati T.Berdiyev hamda kotibiyat bosh mutaxassisi R.Mamashukurov ishtirok etdi.

3-sonli oilaviy poliklinikadagi o‘rganish davomida tibbiy xizmat ko‘rsatish jarayoni bilan bir qatorda, muassasaning moddiy-texnik va sanitariya holatiga ham e’tibor qaratildi.
Xususan:

▶️ bemorlarni qabul qilish va navbatlarni tartibga solish;

▶️ tibbiy xonalarning sanitariya holati;

▶️ tibbiy jihozlarning sozligi;

▶️ fuqarolar uchun yaratilgan sharoitlar;

▶️ “Elektron poliklinika” tizimining ishlashi

ko‘zdan kechirildi.

O‘rganish jarayonida tibbiyot xodimlarining fuqarolar bilan muloqot madaniyati, murojaatlarga e’tibor va xizmat ko‘rsatish samaradorligi ham muhim mezon sifatida qayd etildi.

📌 Deputatlik nazorati — muassasa faoliyatini shunchaki kuzatish emas, aholining kundalik hayotiga bevosita ta’sir qilayotgan masalalarni aniqlash va ularni hal etishga ko‘maklashishdir.