Yo‘l harakati xavfsizligini ta’minlash, transport oqimini tartibga solish va yo‘l-transport hodisalarining oldini olish bugungi kunda eng muhim masalalardan biridir.
🇺🇿 Shu maqsadda Xalq deputatlari Parkent tuman Kengashiga 23-“Nomdanak” saylov okrugidan saylangan deputat, tuman hokimi Po‘latov Elmurod To‘xtaboyevich tomonidan avtomobil yo‘llarida transport vositalari tirbandligi kuzatilayotgan hamda yo‘l-transport hodisalari ko‘p sodir bo‘layotgan hududlarda YTHlarning oldini olish va ularni kamaytirishga qaratilgan chora-tadbirlarning amalga oshirilishi holati o‘rganildi.
📌 O‘rganishlar davomida yo‘l harakati xavfsizligini ta’minlash, tirbandliklarning oldini olish, transport vositalari va piyodalar harakatini tartibga solish, shuningdek, avariya xavfi yuqori bo‘lgan nuqtalarda tegishli choralarni kuchaytirish masalalariga alohida e’tibor qaratildi.
🚧 Ta’kidlash joizki, Parkent tumanida yo‘l infratuzilmasini yaxshilash va harakat xavfsizligini ta’minlash borasida salmoqli ishlar amalga oshirilmoqda. Yo‘llarning holatini yaxshilash, yo‘l belgilari va tegishli infratuzilma obyektlarini tartibga keltirish, tirbandliklarni kamaytirish hamda xavfli hududlarda YTHlarning oldini olishga qaratilgan amaliy choralar izchil davom ettirilmoqda.
🚸 Ayniqsa, aholi gavjum hududlar, chorrahalar, piyodalar harakati ko‘p bo‘lgan yo‘l qismlari hamda YTH sodir bo‘lish ehtimoli yuqori bo‘lgan nuqtalarga e’tiborni kuchaytirish muhim vazifalardan biri sifatida belgilangan.
🛣 Yo‘l infratuzilmasini takomillashtirish bilan bir qatorda, haydovchilar va piyodalar o‘rtasida yo‘l harakati qoidalariga rioya qilish madaniyatini oshirish, tezlik me’yorlariga amal qilish va har bir harakat ishtirokchisining mas’uliyatini kuchaytirish ham yo‘llardagi xavfsizlikni ta’minlashda muhim ahamiyat kasb etadi.
📌 O‘rganish davomida aniqlangan masalalar yuzasidan mas’ullarga tegishli topshiriq va tavsiyalar berilib, xavfli yo‘l qismlarida mavjud muammolarni bartaraf etish hamda YTHlarning oldini olishga qaratilgan chora-tadbirlarni yanada kuchaytirish zarurligi ta’kidlandi.
⚠️ Zero, yo‘llardagi xavfsizlik — faqat tegishli tashkilotlarning emas, balki har bir haydovchi va piyodaning umumiy mas’uliyatidir.
🛡 Maqsad — tirbandliklarni kamaytirish, YTHlarning oldini olish va Parkent yo‘llarida har bir fuqaroning xavfsiz harakatlanishi uchun yanada qulay sharoit yaratish.
🚦 Xavfsiz yo‘l — xotirjam hayot garovi!