Yunusobod tumanidagi Xalq deputatlari Yunusobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi deputatlari G. Azimova, D. Musayeva va
M. Murzametova tomonidan aholi murojaatlari va bandlik masalalari o‘rganildi.

🔹O‘rganish davomida saylov okrugi hududida fuqarolardan kelib tushayotgan murojaatlar, mavjud muammolar hamda ularni hal etish bo‘yicha amalga oshirilayotgan ishlar tahlil qilindi.

🔹Shuningdek, ishsiz fuqarolarni aniqlash, ularning bandligini ta’minlash, doimiy daromad manbaiga ega bo‘lishiga ko‘maklashish va murojaatlarda ko‘tarilgan masalalarni tegishli tashkilotlar bilan hamkorlikda hal etish holatiga alohida e’tibor qaratildi.

📝O‘rganish yakunlari bo‘yicha aniqlangan muammolarni bartaraf etish, fuqarolar murojaatlarini o‘z vaqtida ko‘rib chiqish va ularning qonuniy manfaatlarini ta’minlash yuzasidan tegishli vazifalar belgilandi.

⚖️Mazkur jarayon “Xalq deputatlari viloyat, tuman va shahar Kengashi deputatining maqomi to‘g‘risida”gi, “Aholi bandligi to‘g‘risida”gi hamda “Jismoniy va yuridik shaxslarning murojaatlari to‘g‘risida”gi qonunlarda belgilangan vazifalar ijrosi doirasida amalga oshirildi.

Bizni kuzatishda davom eting!