Yoshlar bilan ishlash va ularning bandligi o‘rganildi

Xalq deputatlari Termiz tuman Kengashi mutaxassisi T.Murodov tomonidan Mustaqillik MFYda “Mahalliy Kengash deputati faoliyatining eng muhim yo‘nalishlari bo‘yicha tavsiyalar” asosida mahalladagi yoshlar bilan ishlash holati o‘rganildi.

O‘rganish davomida mahalladagi yoshlar yetakchisi tomonidan amalga oshirilayotgan tadbirlarning samaradorligi, yoshlar bilan manzilli ishlash, ularning muammo va takliflarini o‘rganish, shuningdek, yoshlarning bandligini ta’minlash borasida amalga oshirilayotgan ishlar tahlil qilindi.

Shuningdek, ishsiz yoshlarni kasb-hunarga yo‘naltirish, ularni doimiy va mavsumiy ish o‘rinlariga jalb etish, tadbirkorlik faoliyatini boshlash istagidagi yoshlarga ko‘maklashish hamda yoshlarning bo‘sh vaqtini mazmunli tashkil etish masalalariga alohida e’tibor qaratildi.

Aniqlangan masalalar yuzasidan mas’ullarga tegishli tavsiya va takliflar berilib, yoshlar bilan ishlash samaradorligini yanada oshirish bo‘yicha vazifalar belgilab olindi.