Aholi bilan muloqot tizimini yanada takomillashtirishga qaratilgan muhim Farmon 2026-yil 1-aprelda O‘zbekiston Respublikasi Prezidentining PF–51-son “Aholi bilan muloqot tizimini samarali tashkil etish bo‘yicha qo‘shimcha chora-tadbirlar to‘g‘risida”gi Farmoni qabul qilindi.

Mazkur Farmonga muvofiq, fuqarolar murojaatlari bilan ishlash tizimini yanada takomillashtirish, aholi muammolarini joyida o‘rganish hamda ularni tezkor va samarali hal etish, davlat organlarining ochiqligi va mas’uliyatini oshirishga qaratilgan aniq vazifalar belgilandi.

Shuningdek, xalq deputatlari mahalliy Kengashlari va deputatlarning aholi bilan bevosita muloqotini kuchaytirish, sayyor qabullarni tizimli tashkil etish, murojaatlar asosida deputatlik nazoratini kuchaytirish hamda hududlardagi dolzarb muammolar yechimiga ko‘maklashish bo‘yicha vakolatlar yanada mustahkamlandi.