Xalıq deputatları Bozataw rayonlıq Keńesindegi ÓzLiDeP deputatlıq toparınıń gezektegi májilisinde Bozataw rayonı xalqın elektr energiyası menen úzliksiz támiyinlew boyınsha ámelge asırılıp atırǵan jumıslar haqqında Bozataw rayonlıq elektr támiynatı kárxanası baslıǵınıń esabatı tıńlandı.
Kárxana tárepinen 2026-jılı 35,0 mln. kVt. saat elektr energiyasın jetkerip beriw rejelestirilgen bolsa ámelde 29,5 mln. kVt. saat elektr energiyası jetkerip berilgen. Sonnan 1,5 mln. kVt. saat elektr energiyasınıń únemleniwi jobalastırılǵan bolıp joqarıda atap ótilgen jumıslardıń nátiyjesinde ámelde 3,9 mln. kVt. saat elektr energiyasın tejewge erisilgen.
2026-jıl 1-avgust halatına Bozataw rayonı aymaǵında rayonlıq elektr támiynatına qaraslı 7 dana podstanciya, 384,8 km 10 kV hawa tarmaqları, 310,1 km 0,4 kV hawa tarmaqları hám 175 dana transformator punktleri arqalı 250 dana yuridikalıq hám 3842 dana jeke xojalıq tutınıwshılardı úzliksiz hám sapalı elektr energiyası menen támiyinlep kelinbekte.
Bul elektr qurılmalarınıń texnikalıq jaǵdayların jaqsılaw maqsetinde 2026-jılı 122,2 km 0,4/10 kV hawa tarmaǵında hám 18 dana transformator punktlerinde iri ońlaw jumısların, 159,5 km 0,4/10 kV hawa tarmaqlarında hám 48 dana transformator punktlerinde kishi ońlaw jumısların ámelge asırıw belgilengen. Yanvar-sentyabr aylarına 122,2 km 0,4/10 kV hawa tarmaqlarına hám 18 dana transformator punktlerine iri ońlaw jumısları rejelestirilgen bolıp, házirgi kúnde 122,2 km 0,4/10 kV hawa tarmaqlarına hám 18 dana transformator punktlerinde iri ońlaw jumısları orınlandı.
Kún tártibindegi másele hár tárepleme talqılanıp, Xalıq deputatları Bozataw rayonlıq Keńesiniń gezektegi sessiyasına usınıw boyınsha qarar qabıl etildi.