#162_ta_qonun_ijrosi

Bandixon tumanida deputatlik nazorati: "Paxtakor" mahallasida Hokim yordamchisi faoliyati hamda "Oilaviy tadbirkorlik to‘g‘risida"gi Qonun ijrosi tahlil qilindi

Bandixon tumanida mahallalarni ijtimoiy-iqtisodiy rivojlantirish, oilaviy tadbirkorlikni qo‘llab-quvvatlash va Hokim yordamchilarining hisobdorligini oshirish borasida tizimli deputatlik nazorati amalga oshirilmoqda.

Xalq deputatlari Bandixon tumani Kengashiga 9-Paxtakor saylov okrugidan saylangan deputat A.Allamuradovga biriktirilgan tuman Kengashi kotibiyati bosh mutaxassisi E.Eshonqulov "Paxtakor" MFYda bo‘lib, Hokim yordamchisi faoliyatini o‘rgandi.

Monitoring O‘zbekiston Respublikasining “Oilaviy tadbirkorlik to‘g‘risida”gi O‘RQ–327-sonli Qonuni hamda Hokim yordamchilarining 14 ta asosiy yo‘nalish bo‘yicha vazifalari ijrosi doirasida tashkil etildi.

Tashrif davomida xonadonbay o‘rganishlar natijalari, aholi bandligini ta’minlash, imtiyozli kredit va subsidiyalarning manzilliligi, mikroloyihalarni ishga tushirish hamda kambag‘allikni qisqartirish ko‘rsatkichlari tahlil qilindi.

O‘rganishlar yakunida to‘plangan materiallar va xulosalar tuman Kengashining navbatdagi sessiyasi muhokamasiga kiritilishi belgilandi.