“Yangi O‘zbekiston” qiyofasi — obod mahallalarda                                      

Xalq deputatlari Uzun tumani Kengashining haftalik ish reja ijrosi

Xalq deputatlari Uzun tumani Kengashi raisi D.Safarova hamda Kengash kotibiyati mudiri O'.Rajabovlar deputat sifatida Malandiyon mahalla fuqarolar yig‘inida amalga oshirilayotgan infratuzilma ishlari bilan tanishdi.
O‘rganish davomida mahalla hududida olib borilayotgan yo‘l qurilishi, yo‘l chetlariga lotoklar yotqizish hamda hudud infratuzilmasini yaxshilashga qaratilgan boshqa ishlarning borishi ko‘zdan kechirildi.

Mas’ullar tomonidan amalga oshirilayotgan ishlarning sifati, belgilangan talablar asosida bajarilishi va aholi uchun qulay sharoit yaratishga qaratilganligi yuzasidan tegishli o‘rganishlar olib borildi.
Shuningdek, mavjud muammolarni aniqlash, ularni bartaraf etish hamda infratuzilma ishlarini belgilangan muddatlarda sifatli yakunlash bo‘yicha mas’ullarga tegishli tavsiya va ko‘rsatmalar berildi.

Mazkur o‘rganish ishlari Xalq deputatlari Uzun tumani Kengashining haftalik ish rejasida belgilangan vazifalar ijrosini ta’minlash, hududlarda amalga oshirilayotgan bunyodkorlik va infratuzilma loyihalarining deputatlik nazoratini olib borish maqsadida tashkil etildi