O‘zbekiston Respublikasi Oliy Majlisi Senati a’zosi Jamila Bobonazarova, Xalq deputatlari Jizzax viloyati Kengashi kotibiyati mudiri Nodira Karimova, tuman Kengashi deputatlari K.Mamanova va N.Sulaymonov Paxtakor tumani “G‘alaba” mahallasida yangidan qurilgan 240 o‘rinli 18-sonli davlat maktabgacha ta’lim tashkilotida bo‘ldilar.

Tashrif davomida maktabgacha ta’lim tashkilotida bolalar uchun yaratilgan shart-sharoitlar, guruh xonalari, o‘quv-tarbiya jarayonlari hamda zamonaviy infratuzilma bilan tanishildi.

Shuningdek, tarbiyalanuvchilar uchun qulay va xavfsiz muhit yaratish, ta’lim-tarbiya sifatini oshirish hamda muassasaning moddiy-texnik imkoniyatlaridan samarali foydalanish masalalariga e’tibor qaratildi.

Yangi 240 o‘rinli bog‘cha “G‘alaba” MFY aholisi uchun qulaylik yaratib, maktabgacha ta’lim qamrovini kengaytirishga xizmat qilmoqda.