E’zoz va e’tibor – inson qadriga yuksak ehtirom 

🔹 “8-mart – Xalqaro xotin-qizlar kuni” munosabati bilan Xalq deputatlari Farg‘ona tuman Kengashi
deputatlari Ozodaxon Dadajonova va Shuxratjon Raximovlar
tomonidan tumanning Dilkusho MFY hududida istiqomat qiluvchi
105 yoshli onaxon xonadoniga tashrif buyurilib, uning holidan xabar olindi. 

🔹 Tashrif davomida onaxonning yashash
sharoitlari o‘rganilib, xonadonda ta’mirlash ishlarini amalga oshirish zarurati
mavjudligi aniqlandi. Ushbu masala yuzasidan tegishli tashkilotlarga deputatlik
so‘rovi yuborish orqali amaliy choralar ko‘rish belgilandi. 

🔹 Tashrif yakunida onaxonga bayram munosabati
bilan esdalik sovg‘alari topshirildi. Onaxon mehr va e’tibordan mamnun bo‘lib,
yurtimiz tinchligi, xalqimiz farovonligi va Vatanimiz taraqqiyoti yo‘lida
amalga oshirilayotgan ezgu ishlar bardavom bo‘lishini tilab, samimiy duolar
qildi. 

🔹 Bunday uchrashuvlar katta avlod
vakillariga hurmat va e’tibor ko‘rsatish, ularning hayot sharoitlarini
o‘rganish hamda mavjud muammolarga amaliy yechim topish yo‘lidagi ezgu
ishlardan biridir. 

Telegram | Facebook | YouTube