Xalq deputatlari Chilonzor tumani Kengashida O‘zbekiston Respublikasi Oliy Majlisi Senati Raisining 2025-yil 27-avgustdagi 01-06-13/3674-son hamda O‘zbekiston Respublikasi Prezidenti Administratsiyasi rahbarining 2025-yil 13-sentabrdagi 40-son topshiriqlari ijrosini ta’minlash maqsadida tasdiqlangan “Chilonzor tumanini korrupsiyadan holi hudud”ga aylantirish hamda aholi o‘rtasida korrupsiyaga nisbatan murosasiz munosabatni shakllantirish dasturi doirasida amalga oshirilayotgan ishlar yuzasidan Chilonzor tuman Tibbiyot birlashmasi bosh shifokori Yuldashov Ilxom Ruziyevich hamda Chilonzor tuman Maktabgacha va maktab ta’limi bo‘limi boshlig‘i Keldibekov Farxod Uralovichning hisobotlari tinglandi va muhokama etildi.

Muhokama davomida dasturda belgilangan vazifalar ijrosi, xususan sog‘liqni saqlash hamda maktabgacha va maktab ta’limi tizimlarida korrupsiyaning oldini olish, ochiqlik va shaffoflikni ta’minlash, profilaktik tadbirlarni kuchaytirish hamda aholiga ko‘rsatilayotgan xizmatlar sifatini oshirish borasida amalga oshirilgan ishlar ko‘rib chiqildi.

Shuningdek, tuman hokimligi, Adliya bo‘limi va Yoshlar ishlari agentligi hamkorligida ta’lim muassasalarida “Profilaktika kunlari” va “Sinf soati” doirasida halollik va korrupsiyaga qarshi kurashish madaniyatini shakllantirishga qaratilgan targ‘ibot-tashviqot tadbirlari o‘tkazilayotgani, joriy yilning birinchi va ikkinchi choraklari davomida 19 ta shunday tadbir tashkil etilgani qayd etildi.

Bundan tashqari, sog‘liqni saqlash, maktabgacha va maktab ta’limi muassasalari, tijorat banklari hamda elektr energiyasi, gaz va suv ta’minoti tashkilotlarida aholi va xodimlar o‘rtasida anonim ijtimoiy so‘rovnomalar o‘tkazilib, ularning natijalari tahlil qilingani hamda korrupsiyaviy xavf omillari aniqlanmagani ta’kidlandi.

Shuningdek, ijtimoiy soha muassasalari tomonidan bo‘sh ish o‘rinlari to‘g‘risidagi ma’lumotlarning belgilangan muddatlarda Bandlik bo‘limiga taqdim etilishi ustidan nazorat o‘rnatilgani, korrupsiyaga qarshi kurashish bo‘yicha infografikalar, targ‘ibot materiallari va ijtimoiy videoroliklar tayyorlanib, keng jamoatchilikka yetkazilayotgani qayd etildi.

Muhokama yakunida dasturda belgilangan vazifalar ijrosini izchil ta’minlash, korrupsiyaning oldini olishga qaratilgan profilaktik chora-tadbirlar samaradorligini yanada oshirish hamda bu boradagi ishlarni tizimli davom ettirish yuzasidan tegishli tavsiyalar berildi.