Халқ депутатлари туман Кенгаши депутати, котибият мудири А. Мадумаров Ёшлар куни муносабати билан тумандаги
21-умумтаълим мактабида бўлиб, ёшлар билан очиқ мулоқот ўтказди.

Ушбу учрашувда Қорақўрғон маҳалла фуқаролар йиғини раиси, профилактика инспектори ҳамда нуронийлар иштирок этдилар. Тадбир давомида ёшлар билан долзарб масалалар юзасидан фикр алмашилиб, уларнинг таклиф ва мулоҳазалари тингланди.

Учрашув давомида ёшлар ўртасида жиноятчилик ва ҳуқуқбузарликларнинг олдини олиш, уларни бўш вақтини мазмунли ташкил этиш масалаларига алоҳида эътибор қаратилди. Шунингдек, ёшларни спортга кенг жалб этиш, соғлом турмуш тарзини шакллантириш мақсадида турли спорт мусобақалари ташкил этилгани ва ўтказилгани таъкидланди.

Тадбир доирасида ёшлар ўртасида бир қатор спорт мусобақалари ҳам ўтказилиб, иштирокчилар ўз маҳоратларини намоён этдилар. Бу каби мусобақалар ёшлар ўртасида дўстлик ва ҳамжиҳатликни мустаҳкамлашга хизмат қилиши қайд этилди.

Тадбир якунида ёшлар ўзларини қизиқтирган саволларга жавоб олдилар ва бу каби учрашувлар келгусида ҳам давом эттирилиши таъкидланди.