Sessiya davomida asosiy e’tibor tumanning ijtimoiy-iqtisodiy rivojlanishi, budjet mablag‘laridan oqilona foydalanish va aholining turmush sifatini oshirishga qaratildi. Muhokama qilingan masalalar bir qarashda turli yo‘nalishlarni qamrab olgandek ko‘rinsa-da, ularni umumiy maqsad — hududda barqarorlik va samarali boshqaruvni ta’minlash birlashtirib turibdi.

➡️Xususan, favqulodda vaziyatlarning oldini olish va aholini muhofaza qilish bo‘yicha amalga oshirilgan ishlar tahlil qilinib, bu borada profilaktik yondashuvni kuchaytirish zarurligi qayd etildi. Shuningdek, huquqbuzarliklar profilaktikasi va jamoat xavfsizligini ta’minlash bo‘yicha ichki ishlar organlari faoliyati tahliliy ruhda ko‘rib chiqildi.

➡️Iqtisodiy masalalar ham diqqat markazida bo‘ldi. Oilaviy tadbirkorlikni rivojlantirish, mahalliy byudjetning qo‘shimcha manbalarini shakllantirish va ularni samarali yo‘naltirish masalalari bo‘yicha aniq takliflar ilgari surildi. Jamoatchilik fikri asosida shakllantirilgan tadbirlarni moliyalashtirish amaliyoti esa ochiqlik va hisobdorlikni ta’minlashda muhim mexanizm sifatida baholandi.

➡️Ijtimoiy sohada “Mahalla jamg‘armasi” va “Yoshlar daftari” orqali aholini qo‘llab-quvvatlash ishlari muhokama qilinib, mablag‘larni manzilli va shaffof taqsimlash masalasiga alohida urg‘u berildi.

➡️Suv resurslarini boshqarish, suv tejovchi texnologiyalarni joriy etish va vegetatsiya davri uchun limitlarni belgilash kabi masalalar esa qishloq xo‘jaligi samaradorligini oshirish nuqtai nazaridan muhim ahamiyatga ega ekani ta’kidlandi.

➡️Shuningdek, sanitariya-epidemiologik osoyishtalikni ta’minlash va atrof-muhitni muhofaza qilish yo‘nalishlarida amalga oshirilayotgan ishlar tahlil qilinib, bu borada idoralararo hamkorlikni yanada kuchaytirish lozimligi qayd etildi.

✨Sessiya yakunida kun tartibidagi barcha masalalar yuzasidan tegishli qarorlar qabul qilindi. Muhimi, ushbu qarorlar faqat hisobot bilan cheklanib qolmay, aniq ijro mexanizmlari orqali hudud rivojiga xizmat qilishi kutilmoqda