Xalq deputatlari Tuproqqal’a tuman Kengashiga Obod saylov okrugidan saylangan deputat Z. Rahimberganova tumandagi Sayapr mahallasi, Paxtazor ko‘chasi 88-uyda yashovchi fuqaro Xudayor Qalandarovning murojaati yuzasidan uchrashuv o‘tkazdi.

Ma’lum bo‘lishicha, fuqaro X. Qalandarov 2026-yil yanvar oyida “Nuroniy” sanatoriyasida davolanib qaytgan. U o‘z arizasida Toshkent viloyati Nav qishlog‘ida joylashgan, Ko‘zi ojizlar jamiyatiga qarashli sanatoriyaga yo‘llanma ajratilishida amaliy yordam so‘ragan.

Hozirgi kunda fuqaro X. Qalandarov Inson ijtimoiy xizmatlar markazi tomonidan sanatoriyada davolanish uchun navbatga qo‘yilgani aniqlandi.

Uchrashuv davomida deputat fuqaro bilan uning kundalik muammolari yuzasidan suhbatlashdi. Shuningdek, nogironligi bo‘lgan shaxslar uchun davlatimiz tomonidan yaratilayotgan shart-sharoitlar va mavjud imtiyozlar haqida batafsil ma’lumot berdi.

Suhbat yakunida fuqaro X. Qalandarovga Inson ijtimoiy xizmatlar markazi tomonidan boshqa sanatoriyalarda ham dam olish imkoniyatlari borligi tushuntirilib, tegishli tavsiyalar berildi.