Халқ депутатлари Беруний тумани Кенгаши депутати М.Калимбетова Ўзбекистон Республикаси Вазирлар Маҳкамасининг "Шаҳарлар ва бошқа аҳоли пунктлари кўчалари ҳамда ички хўжалик йўллари инфратузилмасини янада такомиллаштириш тўғрисида"ги 665-сонли қарори юзасидан таъмирлаш ишлари олиб борилаётган Беруний тумани" Палваш" маҳалла фуқаролар йиғини ҳудудидаги бир қанча кўчаларда амалга оширилаётган ишлар билан танишди. 

Мазкур қарор бўйича асосий эътибор маҳаллалардаги тупроқ йўлларни шағал ва асфальт қопламага ўтказишга қаратилган бўлиб, Беруний туманида 2025-йилда 25 км. ички йўллар таъмирланган, 2026-йилда эса туман миқёсида 27 км. ички йўлларни таъмирлаш режалаштирилган. Хусусан, "Палваш" МФЙ ҳудудидаги 5 та ички йўлларни ҳам таъмирлаш ишлари жадал равишда олиб борилмоқда. Ички хўжалик йўллари билан бир қаторда, йўл бўйи ҳудудларини ободонлаштириш ва кўкаламзорлаштириш ишлари ҳам мазкур қарор асосида комплекс равишда олиб борилмоқда.