Yunusobod tumani, 13-mavze, 34-uy aholisi tomonidan hududdagi noqonuniy o‘rnatilgan inshootlar, piyodalar yo‘lakchasi yo‘qligi hamda aholi xavfsizligi bilan bog‘liq muammolar yuzasidan murojaat kelib tushgan.

🇺🇿Mazkur murojaat asosida Xalq deputatlari Yunusobod tumani Kengashi deputati Voropayeva Natalya Viktorovna tomonidan Yunusobod tumani hokimi Saidaliyev Abrorxo‘ja nomiga deputatlik so‘rovi yuborildi.

📌Deputat so‘rovi “Xalq deputatlari viloyat, tuman va shahar Kengashi deputatining maqomi to‘g‘risida”gi Qonunning 5 va 8-moddalari asosida, shuningdek, Fuqarolik kodeksining 212-moddasi, Vazirlar Mahkamasining 2025-yil 28-martdagi 192-son qarori hamda Shaharsozlik kodeksi talablari asosida yuborildi.

🔎So‘rovda hududni mas’ul tashkilotlar ishtirokida o‘rganish, noqonuniy inshootlarni demontaj qilish, davlat yerlarini tartibga keltirish hamda 34-uy yaqinida piyodalar yo‘lakchasini tashkil etish bo‘yicha tegishli choralar ko‘rish so‘ralgan.

🤝Fuqarolar murojaatlarida ko‘tarilgan muammolarni qonuniy hal etish va ularning ijrosini nazorat qilish deputatlik faoliyatining muhim yo‘nalishidir.