#Kengash_raisi_faoliyati #deputat_faoliyati #kotibiyat_xodimi_faoliyati #Yangi_Ozbekiston_qiyofasi #kunlik_ish_reja_ijrosi

“Yangi hayot” mahallasida hududlarni obodlashtirish va infratuzilmani yaxshilash masalalari o‘rganildi

Xalq deputatlari Qiziriq tumani Kengashiga 20-Yangi hayot saylov okrugidan saylangan deputat Ch.Normo‘minov o‘zi saylangan saylov okrugidagi “Yangi hayot” mahallasida tuman Kengashi raisi J.Xudoyqulova hamda tuman Kengashi kotibiyati bosh mutaxassisi J.Donayev bilan birgalikda har bir ko‘cha va xonadonni “Yangi O‘zbekiston qiyofasi”ga keltirish, hududlarni obodonlashtirish hamda mavjud muammolarni aniqlash bo‘yicha o‘rganish ishlarini olib bordi.

O‘rganish davomida mahalla hududidagi Chorvador, Gulzor, Navro‘z, Guliston, Do‘stlik, O‘zbekiston, Mustaqillik va Mehnatobod ko‘chalarida hududlarni obodonlashtirish, tadbirkorlik faoliyatini rivojlantirish uchun qulay sharoitlar yaratish, yo‘l va infratuzilmani yaxshilash bilan bog‘liq masalalar ko‘rib chiqildi.

Shuningdek, “Yangi O‘zbekiston qiyofasidagi mahallalar” dasturi doirasida mahallada amalga oshirilishi belgilangan ishlarning holati o‘rganildi. Jumladan:

⏺️ 4,5 km asfalt yo‘l yotqizish;
⏺️ 1 dona transformator o‘rnatish;
⏺️ 4 km elektr tarmoqlarini tortish;
⏺️ 2 km ichimlik suvi tarmog‘ini tortish;
⏺️ 1 dona transformator o‘rnatish;
⏺️ aholi tomorqalaridan samarali foydalanish maqsadida 1,2 km masofaga quvur orqali suv tortish;
⏺️ 1 dona suv nasosi o‘rnatish kabi ishlarning bajarilish jarayoni ko‘zdan kechirildi.
O‘rganish jarayonida Ko‘chkumar, Turkon, Safikarda va Jo‘yidoq qishloqlaridagi 170 ta xonadonda dehqonchilikni rivojlantirish, aholi tomorqalaridan samarali foydalanish va suv ta’minotini yaxshilash masalalariga ham alohida e’tibor qaratildi.

Dastur doirasida ayrim hududlarda qurilish ishlari davom etayotgani, jumladan, yer ishlari olib borilayotgani, 200 metr trotuar hamda 20 dona ustun keltirilgani qayd etildi.

Aniqlangan masalalar yuzasidan mas’ullar bilan fikr almashilib, belgilangan ishlarni sifatli va o‘z vaqtida amalga oshirish, mavjud muammolarni bartaraf etish hamda mahalla hududini obodonlashtirish bo‘yicha taklif va tavsiyalar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram