Deputat aholi bilan ochiq muloqot o‘tkazdi

Olmazor tumanidagi 21-"Namuna" saylov okrugiga qarashli “Namuna” va “Kaykovus” mahallalari fuqarolari bilan ochiq uchrashuv tashkil etildi. Uchrashuvda xalq deputatlari Olmazor tumani Kengashi deputati Davronbek Raxmatullayev ishtirok etib, hudud aholisi bilan bevosita muloqot olib bordi. 

Tadbir davomida mahallalarda mavjud infratuzilmaviy masalalar, kommunal xizmatlar sifati, obodonlashtirish ishlari, yoshlar va xotin-qizlar bandligi, shuningdek, ijtimoiy himoyaga muhtoj oilalarni qo‘llab-quvvatlash masalalari muhokama qilindi. Fuqarolar tomonidan ko‘tarilgan murojaatlar atroflicha tinglanib, ayrim masalalar yuzasidan joyida tushuntirishlar berildi. Qo‘shimcha o‘rganishni talab qiladigan masalalar esa tegishli tashkilotlar bilan hamkorlikda hal etish uchun deputat nazoratiga olindi.

 Xalq vakili tomonidan fuqarolarning murojaatlari diqqat bilan tinglanib, har bir masala yuzasidan amaldagi qonunchilik doirasida tushuntirishlar berildi hamda tegishli tashkilotlarga deputatlik so‘rovlari yuborilishi ma’lum qilindi.

 Deputat o‘z nutqida aholi bilan ochiq va samimiy muloqot deputatlik faoliyatining muhim yo‘nalishlaridan biri ekanini ta’kidlab, har bir murojaat e’tiborsiz qolmasligini qayd etdi. Bunday uchrashuvlar hududdagi dolzarb muammolarni aniqlash va ularni tizimli ravishda bartaraf etishda muhim ahamiyat kasb etadi.