Joriy yilning 11-fevral kuni xalq deputatlari Navoiy viloyat, tuman va shahar Kengashlari kotibiyat xodimlari uchun seminar tashkil etildi. Seminar Oliy Majlis Senati
tashabbusi bilan joriy yilning 26–28 yanvar kunlari Toshkent shahrida o‘tkazilgan o‘quv-seminarda belgilangan topshiriq va vazifalar ijrosini ta’minlash masalalariga bag‘ishlandi. 

Seminarni xalq deputatlari Navoiy viloyat Kengashi kotibiyati mudiri J.Hamrayev ochib berdi va olib bordi.

U o‘z chiqishida Oliy Majlis Senatida tashkil etilgan o‘quv-seminar dasturida qamrab olingan 15 ta muhim mavzu bo‘yicha batafsil to‘xtalib, mahalliy Kengashlar faoliyatini yanada samarali tashkil etish, deputatlik nazoratini kuchaytirish, qonunlar ijrosini ta’minlash borasida hamda bugungi kundagi kotibiyatlar faoliyatidagi kamchiliklar va bu bo‘yicha aniq ko‘rsatma, tavsiyalarni berdi. 

Shuningdek, seminarda, xalq deputatlari Qiziltepa, Uchquduq va Xatirchi tumanlari Kengashi kotibiyatlari faoliyatidagi tajribalari eshitildi hamda xalq deputatlari viloyat Kengashi kotibiyat bosh mutaxassislari B.Barotov, F.Xolbo’tayev, S.Negmuratov va bosh yuriskonsulti F.Mansurov tomonidan seminar kun tartibidagi mavzular yuzasidan ma’ruzalar qilindi.