Халық депутатлары Тахтакөпир районлық Кеңеси 7-санлы “Қуўаныш-жарма” сайлаӯ округинен сайланған депутаты Рейов Аллаяр Тахтакөпир районы “Тахтакөпир” ППЖ аймағындағы 3-санлы мектеп имәратында өз сайлаўшылары менен ушырасты.    

Ушырасыўда депутат А.Рейов тәрепинен Президентимиздиң Өзбекстан Республикасы Олий Мәжилиси ҳәмде Өзбекстан халқына жоллаған Мүрәжатының мазмун-мәниси сайлаўшыларға кеңнен түсинтирилди. Соның менен бирге, мәмлекетимизде әмелге асырылып атырған кең көлемли реформалар, жаңадан қабыл етилип атырған нызамлар, пәрман ҳәм қарарлардың мазмун-мәниси ҳаққында атап өтип, депутат А.Рейов 2025-жыл даўамында өз депутатлық искерлиги
бойынша сайлаўшыларға есабат берди. 

Ушырасыўда даўамында аймақта ушырасып атырған машқалалар бойынша аймақ турғынлары тәрепинен бир қатар мүрәжатлары тыңланды ҳәм шешими депутатлық қадағалаўға алынып, тийисли ўазыйпалар белгилеп алынды.