Zarbdor tuman hokimi B.Tashpulatov, tuman IIB boshlig‘i E.Axmedov hamda 14-Yangikent okrugidan saylangan deputat F.Sarimsoqovlar "Yangikent" mahallasida joylashgan ichimlik suvi inshooti faoliyati bilan yaqindan tanishdi.

O‘rganish jarayonida ichimlik suvi inshootida elektr energiyasi bilan bog‘liq mavjud muammolar ko‘zdan kechirilib, ushbu masalalar suv ta’minotiga ta’sir ko‘rsatayotgani qayd etildi. Mutasaddi tashkilotlarga elektr ta’minotini barqarorlashtirish, nosozliklarni bartaraf etish va aholini uzluksiz ichimlik suvi bilan ta’minlash bo‘yicha aniq topshiriqlar berildi.

Mazkur chora-tadbirlar aholi turmush sharoitini yaxshilash, muhim infratuzilma obyektlarining uzluksiz faoliyatini ta’minlashga xizmat qiladi.