Kengash tomonidan “Korrupsiyaga qarshi kurashish bo‘yicha 2026-yilga mo‘ljallangan chora-tadbirlar dasturi” ishlab chiqilib, muhokama qilindi. Mazkur dastur tumanda ochiqlik va shaffoflikni ta’minlash, davlat organlari faoliyatida hisobdorlikni kuchaytirish hamda korrupsion holatlarning oldini olishga qaratilgani bilan ahamiyatlidir.

           Yig‘ilishda tuman prokurori, kadastr bo‘limi mas’ullari, Kengashning barcha doimiy komissiyalari raislari hamda ommaviy axborot vositalari vakillari ishtirok etdi. Kun tartibida korrupsiyaviy xavf omillarini kamaytirish, tizimli profilaktika choralarini kuchaytirish, murojaatlar bilan ishlash sifatini oshirish va jamoatchilik nazoratini kengaytirish masalalari ko‘rib chiqildi.

           Muhokamalar davomida mas’ul tashkilotlar oldiga aniq vazifalar belgilab berildi, hamkorlikni kuchaytirish va har bir sohada ochiqlik tamoyillarini ta’minlash zarurligi ta’kidlandi.