“O‘zbekiston – 2030” strategiyasini takomillashtirishning mazmun-mohiyati va uning amaliy ahamiyati yuzasidan Xalq deputatlari Boyovut tuman Kengashi deputatlari ishtirokida muhokama yig‘ilishi tashkil etildi.

Muhokama jarayonida Strategiyada belgilangan ustuvor yo‘nalishlar, xususan, ijtimoiy-iqtisodiy rivojlanish, aholi turmush darajasini yaxshilash, mahallalarda infratuzilmani rivojlantirish, bandlikni ta’minlash hamda davlat boshqaruvida ochiqlik va samaradorlikni oshirish masalalariga alohida e’tibor qaratildi.

Deputatlar tomonidan Strategiyani takomillashtirish doirasida joylardagi muammolarni inobatga olgan holda aniq taklif va tashabbuslar bildirildi. Shuningdek, “O‘zbekiston – 2030” strategiyasida belgilangan vazifalarning hududlarda izchil va samarali ijrosini ta’minlashda deputatlik nazoratining muhim o‘rni ta’kidlandi.

Yig‘ilish yakunida ilgari surilgan taklif va tavsiyalarni umumlashtirish hamda ularni amaliyotga tatbiq etish bo‘yicha tegishli qarorlar belgilab olindi.