🏛 STRATEGIYA – KELAJAK POYDEVORI: "OQTOM"
MAHALLASIDA TARG‘IBOT TADBIRI 

Piskent tumanidagi "Oqtom" mahallasida aholi uchun muhim siyosiy
va ijtimoiy ahamiyatga ega bo‘lgan targ‘ibot tadbiri tashkil etildi. 

Unda 24-Ko‘lota saylov okrugi deputati B.Raxmonova ishtirok etib,
Prezidentimiz Murojaatnomasi hamda “O‘zbekiston – 2030” strategiyasida
belgilangan ustuvor vazifalarning mazmun-mohiyati haqida so‘z yuritdi. 

Tadbir davomida asosiy e’tibor quyidagilarga qaratildi: 

Islohotlarning mahallabay tizimida amalga oshirilishi; 

Ta’lim, tibbiyot va ijtimoiy himoya sohasidagi yangi imkoniyatlar; 

Aholi farovonligini oshirishga qaratilgan strategik maqsadlar. 

Deputat B.Raxmonova ta’kidlaganidek, har bir fuqaro ushbu islohotlarning
nafaqat kuzatuvchisi, balki faol ishtirokchisi bo‘lishi — ko‘zlangan marralarga
tezroq erishishning asosiy garovidir. Ochiq muloqot ruhida o‘tgan uchrashuvda
fuqarolar o‘zlarini qiziqtirgan savollarga batafsil javob oldilar.