🚰 Muammo o‘z yechimini topdi: 26-son maktabgacha ta'lim tashkiloti ichimlik suvi bilan ta'minlandi

🏛 Xalq deputatlari Sherobod tumani Kengashining 10-Chag‘atoy saylov okrugi deputati Q. Raxamov hamda Kengash kotibiyati bosh mutaxassisi Sh. Xo‘janazarov tomonidan "Chag‘atoy" mahallasi hududida joylashgan 26-son maktabgacha ta'lim tashkilotida o‘rganish ishlari olib borilgan edi.

🔍 O‘rganish davomida muassasada ichimlik suvi bilan bog‘liq muammo mavjudligi aniqlanib, mazkur masala deputat nazoratiga olindi.

🤝 Xalq deputatlari Sherobod tumani Kengashining 10-Chag‘atoy saylov okrugi deputati Q. Raxamov tashabbusi bilan "Suv yetkazib berish xizmati" DM bilan hamkorlikda amaliy choralar ko‘rildi.

💧 Natijada 26-son maktabgacha ta'lim tashkiloti ichimlik suvi bilan ta'minlanib, muassasadagi muhim muammolardan biri ijobiy hal etildi.

✅ Aholi, ayniqsa, yosh avlod uchun munosib sharoit yaratish, ijtimoiy soha obyektlaridagi mavjud muammolarni o‘z vaqtida bartaraf etish borasidagi ishlar izchil davom ettiriladi.